FIFPro及國際足協（FIFA）最佳11人候選名單（圖）出爐，前鋒方面，利物浦嘅穆罕默德沙拿，以及得獎「常客」基斯坦奴朗拿度、美斯等都上榜，但加里夫巴利、阿歷斯山齊士同伊巴謙莫域就名落孫山，其中巴利捧歐聯都冇份入選，好多人都戥佢唔抵。今夏剛贏得世盃冠軍嘅法國，中、前場名單都有代表，包括保羅普巴、基沙文同基利安麥巴比。門將方面，去季入選嘅保方今年仍有份角逐，另外迪基亞亦有入圍。後防方面，全球身價最貴後衞、效力利物浦嘅華基爾雲迪積克，亦都喺名單之上。中場方面，莫迪歷、夏薩特、奇雲迪布尼、尼高路簡迪同此前連續12年都贏得一席嘅恩尼斯達，今年都榜上有名。
FIFPro最佳11人係由職業球員投票選出，陣容將以「4-3-3」陣式排出，結果會喺本月24日喺倫敦舉行嘅頒獎禮上公佈。