的士司機服務質素參差，黑的劏客更加損害香港旅遊業嘅聲譽，的士司機侯先生同幾個行家，噚日凌晨喺蘭桂坊等客，聲稱發現有個有劏客前科嘅行家超載，兼且載5個乘客去灣仔竟然索價280蚊，比正常價錢大約高出6倍。行家追截嗰部有嫌疑嘅黑的，踢爆司機嘅惡行兼報警。
冇證人指證 警列誤會
侯先生聲稱，呢個害群之馬喺行內已經好出名，佢本身做導遊，大約1年前開始兼職揸的士，但就經常喺蘭桂坊、廣東道、山頂搵食呃遊客，行家都睇唔過眼，已經密切監視佢有冇違法，一有發現就圍截佢同報警。噚日凌晨行家同佢狹路相逢，見佢兜截5個估計嚟自菲律賓嘅遊客，開價280蚊車佢哋去灣仔。幾個行家追截佢去到雲咸街燈位前停車，叫乘客落車，話畀佢哋聽司機呃佢哋錢，叫佢哋攞返車錢。
行家圍攻爆粗指罵嗰個司機，個司機一直保持緘默，用手機反拍行家同整個過程。侯先生話差人嚟到嗰陣，班乘客已經走咗，冇證人指證對方，所以冇拉到人。
警方表示，噚日凌晨4點幾接報有兩方人因為的士超載嘅問題爭執，差人到場調查冇發現超載事件，列作誤會處理。
就黑的嘅問題，其實運房局早排已向立法會提交文件，建議用兩招打擊的士司機違規行為，包括針對重複濫收車資、拒載等6項罪行嘅司機，實行兩級制罰款，重犯者可罰達2.5萬元同監禁1年；又建議設的士司機違例記分制，兩年內扣滿15分停牌3個月。但有的士工會成員去運輸署抗議表達不滿。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。