開心得滯就要跳番part舞自娛，有網民日前喺九龍灣德福廣場嘅hmv唱片舖，見到一位孭住環保袋嘅女士戴上耳筒聽歌，其間忘形手舞足蹈，完全投入喺自我世界，未有理會旁人對佢投以奇異眼光，被帖文樓主形容為「跳緊開心舞」！
「跳個舞都要俾人影」
呢個帖登出後，有人認出呢位女士經常喺牛頭角出沒，網民對佢跳舞有兩極反應，有人認為「有乜問題？佢跳舞又關你事？」甚至質疑「跳個舞都要俾人影」。勸喻樓主及一眾惡言批評的巴打「放鬆啲啦香港人」。亦有人搞笑地引用當年視障人士龍懷騫勸人積極面對人生嘅廣告：「開心舞，冇電視係日頭，有成龍時係夜晚」嚟形容對方都係自娛跳舞中，大家唔使咁緊張。計我話，呢位女士跳舞又冇影響到任何人，好似有網民話齋：「一時間，太投入，對不起。」