消失了的西九B5層，謎一樣，到底有乜用途？有！精選以下幾項：
一，香港要為內地七百（又係柒）執法人員供應每個一百元的飯盒，包四餐，內地大嘥鬼每日生產的廚餘廢物好快以噸計，唔講得笑，好在有B5堆填區。
二，B5神秘莫測，直情可以做片場，政府開鏡，拍一套一地兩檢Lost交叉特區X File。
三，第五層，似有還無，放N隻洗頭艇都無難度。說不定，馬航都擺得落幾隻。B5，勁過百慕達。
四，B5暫時未有規劃，政府又益建制派，將B5劏晒做房，搵埋劏房大使硬銷，經驗老到的劏房波親自打理，應該比年金受歡迎。
五，B5有番咁上下，將來唔使去法國，被跌死的紅色商人直接坐高鐵，入閘就得。犯罪家族唔使去油麻地停車場，西九B5等住你們笨豬跳。愛國學者用來殺妻的話，要排隊攞籌。
六，西九冇飯堂，但點可能冇小桃園飯局？B5私房菜日日有局，主菜當然係西環料理，每位689蚊。