前晚9點幾，14名巿民喺深水埗北河街市政大廈困𨋢，佢哋撳警鐘求救點知冇人應，咁多人逼埋一齊，𨋢入面又焗，再諗吓之前發生過咁多升降機意外，都咪話唔驚，好彩有人嘅手機仲收到訊號即刻報警，但都困咗個幾鐘先獲救，好彩最後都冇事。
「有乜幫到你？」
困𨋢嘅李先生同《蘋果》講，當時佢同朋友喺6樓體育館搭𨋢落地下離開，𨋢入面連埋佢有14個人，部𨋢到地下嘅時候冇開門，佢撳警鐘求救，但一直都冇人應，佢見到手機仲收到訊號，嗱嗱聲報警。消防員4分鐘後趕到，等候期間佢哋坐晒喺地下，有人拎住張紙係咁撥，陸續有人覺得唔舒服；李先生再嘗試撳警鐘，呢次終於有人應：「有乜幫到你？」李先生鬧爆大廈個看更之前唔知去咗邊，佢話消防都撬緊門，再撳鐘先有人應！
消防處話消防員到場發現因為部𨋢嘅重量問題，要耐啲先可以升起部𨋢，約10分鐘後電梯承辦商嘅維修人員亦到場，由於用升降機鎖匙都開唔到𨋢門，試過其他方法都唔成功，消防員決定爆破𨋢門，其間𨋢入面有人話覺得唔舒服，消防員一直同佢哋保持通話，了解各人嘅情況。
15分鐘之後消防員救出全部人，換句話講佢哋困咗77分鐘，好彩大家最後冇事毋須送院。現場有三部𨋢，出事嗰部係1號𨋢，小記噚日朝早再去現場視察，見到有機電署人員檢查部𨋢。機電署發言人初步估計係部𨋢抵達地下嗰陣，𨋢門有機件壞咗所以開唔到門而困𨋢。另外，機電署人員檢查過部𨋢嘅對講機，證實運作正常，現場貼咗張暫停告示。北河街巿政大廈管理委員會回應事發時看更究竟去咗邊，就話外判保安公司嘅看更發現有人困𨋢，已即時通知維修升降機承辦商跟進，事故原因仲要調查，而當晚對講機曾出現故障，之後恢復正常。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。