通往西九龍廢物轉運站嘅長沙灣荔寶路，近日驚現垃圾山。網民Brenda喺上周四朝早7點半，見到路面堆積咗好多袋垃圾，懷疑有垃圾車唔入轉運站，工人直接將車斗部份垃圾卸落地，Brenda仲影相做證，鬧爆咁做好缺德。食物環境衞生署就證實喺過去一年，一共收到6宗喺荔寶路棄置垃圾嘅投訴，話會加強巡查同執法。
從Brenda提供嘅相片睇到，荔寶路幾段唔同路面都有垃圾堆積，啲垃圾一袋袋阻咗成條行車線，行經嘅車輛都避開，但有重型車就懷疑輾過啲垃圾，搞到成條路面都污糟邋遢。亦有部份路面除咗有垃圾之外，近山邊位同橋躉位仲有棄置嘅車胎同建築廢料，真係睇到火都嚟。事後仲要辛苦啲清潔工人清理同清洗街道，真係做死人咩。
業界唔自律 投訴都冇符
原來荔寶路嘅垃圾堆積問題，長久以來都存在，有網民話每日有經呢條路，就知啲垃圾係特登棄置，批評條路好似無王管咁。亦有網民話類似問題好過一排，近排又嚟過。深水埗區議員楊彧話佢兩年前都接到附近海麗邨居民多番投訴，話荔寶路啲垃圾傳出臭味造成滋擾，嚴重影響環境衞生。
楊議員話啲垃圾主要係建築廢料，亦有家居垃圾，據佢所知係因為有時啲垃圾車超重唔能夠駛入垃圾轉運站，或者轉運站好多垃圾車大排長龍，甚至轉運站閂咗門，工人於是將啲垃圾卸落地走咗去。佢話之前向當局轉介居民投訴之後，相關部門都喺附近安裝咗閉路電視監察，但問題始終都杜絕唔到。佢話事件真係好睇垃圾車同業自唔自律，希望當局加強巡查打擊。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。