讀者甄小姐噚日中午大約12點半，搭巴士經過繁忙嘅彌敦道嗰陣，見到一幕佢形容為好sweet嘅情景，佢估計係一位慈父踩單車接載着校服嘅女，單車前面放咗個書包，囡囡一手掹住爸爸衫尾，一手捉緊凳座扶手。甄小姐話平時好少見咁嘅畫面，由於爸爸好似着住飲食業嘅制服，唔知係咪返工前或趁少少空檔都要爭取時間載個女，讚佢係廿四孝爸爸。
不過，小記要提提各位巿民，運輸署都有呼籲踩單車人士要遵守安全指引，而呢位爸爸似乎就忽略咗喇，首先踩單車係唔可以載人㗎！仲有，爸爸沿彌敦道向太子方向嘅快線行駛，但其實除咗切線之外，踩單車應該靠左行車，同埋同路邊石壆要保持距離。另外，踩單車應該戴頭盔同埋保護裝備，以策安全。踩單車送貨嘅大哥都要留意一吓喇。