打工啫，唔使搵命博啩？有巿民上星期六見到清潔工人喺海怡半島平台清理垃圾時，好似玩雜技咁一手拎住垃圾袋，一手扶住10米高嘅梯爬落地下，睇見都覺得牙煙。
為多幾十蚊頂硬上
讀者梁先生話，上周六朝早9點半左右經過海怡半島屋苑，咁啱見到兩個着住制服嘅清潔工人，一個喺下面扶實一條約50厘米闊嘅一字梯，睇實另一名清潔工由10米高平台收走滿滿一袋垃圾後，一手攞住垃圾袋，一手扶住條梯逐級行落嚟，其間無任何安全帶或支架鞏固措施。梁生形容「條梯好幼，睇見都覺好牙煙」，加上嗰位工人上晒年紀，如果跌落嚟非死即傷，批評清潔公司罔顧工人安全，梁事後將相片上載網上討論區，要求正視問題。
原來呢件事唔係特例，本報有問喺嗰度工作嘅清潔工，佢哋話由於海怡屋苑平台不設門口出入，所有清潔工都係用爬梯方法爬上平台執垃圾，大約每兩日一次，臨海嗰邊大廈平台更加高，離地約15米，公司都係叫個啲唔畏高嘅工友上去工作，日薪只係比一般工友多幾十蚊，大家都係頂硬上，估計清潔公司每兩年投標一次，為咗慳成本唔用工作台。
當區嘅立法會兼南區區議員區諾軒話，嗰日天氣好唔穩定，路面濕滑，工友仲要攀爬將近10米梯，其間並未有配備任何安全設備，只靠另一位工友喺地面扶住。假若工友跣腳墮地，後果不堪設想。
根據《職業安全及健康條例》，條文訂明僱主及工作地點負責人須設置安全工具同作業裝置，為進行離地不少於2米及高處工作嘅僱員提供合適工作平台。區諾軒促請清潔公司長遠使用流動工作台代替長梯。勞工處回應已派人到海怡半島了解及跟進情況。本報嘗試問海怡半島管理處，對方只係叫留低聯絡方法，一直無回覆，莫非要等出事先嚟做嘢？
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。