意大利周五喺博洛尼亞嘅歐國聯對波蘭，三日後再轉戰里斯本鬥葡萄牙，而呢場波將喺意大利未能出線俄羅斯世界盃後，文仙尼領軍參與嘅首項正式賽事。之前，文仙尼已喺六月嘅三場友賽重召巴洛迪利，今次再徵召佢入隊，意味「巴神」有機會自14世界盃後，首次代表意大利出戰具競爭性嘅正式比賽。
另外，老將後衞基亞連尼亦自去年意大利喺世盃附加賽被瑞典淘汰後首次獲重召，至於五名首次入選意大利國家隊嘅球員，則包括年僅17歲嘅摩納哥前鋒皮亞圖柏歷基、卡利亞里門將卡格奴、羅馬中場尼高路辛尼奧路、史帕爾後衞文路爾拿沙利以及費倫天拿後衞基斯坦奴比拉基。