曾鈺成幫西環出頭？夠牙力嗎？連陳冠希都有子華神金盆幫他洗底（其實陳冠希在娛樂圈吃得開，又有女人緣，個底唔弱，使鬼洗），曾鈺成偷橋，但唔係叫香港人放生西環，因為香港人冇咁嘅資格！曾主席要基本法列明西環職能，最勁係爆出金句：「佢地做緊嘅嘢就算你覺得唔合適，唔使寫落基本法，佢都已經做緊㗎啦。」一點即破！就是說，西環行埋，床都上咗，你還說唔俾佢入屋？太遲咯，個女已經被西環佔領，你以為唔寫清楚，西環唔敢搞大你個女個肚嗎？做緊嘢啦佢地！
喺基本法寫清楚西環職能，有職能，唔怕被人插無能，擺明無中生有，雖然無稿費，我都想試吓，寫住先：
職能一：未來N年隨時行埋任何政治人物高官副局，唔使問777，老奉繞過上帝。（別問葉劉當選後即刻鬼祟開車入西環做乜。）職能二：紅線，只得西環享專營權！條線有直有彎，睇西環性傾向。（喔幫恩恩豬牽埋紅線受埋孕的，又係西環嗎？問葉劉好了。）職能三：合法動用香港納稅人錢，向任何眼中釘發律師信！（律師們，以後想窮都幾難！西環咁好帶挈，湯渣與滾妖，遍地開硬花！）