呢幾日係咁落大雨，真係令人好鬼灰！噚日汀九出現一個水龍捲奇景，小編精神為之一振，真係好似電影特技一樣，好彩水龍捲威力唔大，冇造成人命傷亡。
噚日上晝11點幾，喺深井汀九橋附近，以及青衣同汀九村之間嘅海面，唔少網民都影到呢個奇景，其中一條片睇到，水龍捲非常貼近汀九橋，差少少就吹咗埋橋上嘅車上面，非常驚險！而「香港政府拯溺員總工會」亦上載影片，拍攝地點係荃灣麗都泳灘，當時水龍捲已由海上移至沙灘，沙塵滾滾之餘，大風仲吹到沙灘上嘅獨木舟連續翻滾咗幾下，泳客立刻上水，連忙走避，救生員就急忙處理獨木舟。
天文台：接觸水面已形成
片段一出，唔少網民爭論，有人話黑雲其實只係漏斗雲，未形成水龍捲，而呢個懷疑水龍捲奇景，只係出現咗幾分鐘箒。天文台雷達圖像顯示，水龍捲出沒時，有一雨區正喺汀九一帶上空發展。天文台睇過條片，見到今次嘅漏斗雲已接觸到水面，初步估計已形成水龍捲。其實，漏斗雲係龍捲風嘅前身，係由雷雨雲遇到向下旋轉嘅空氣，當已接觸到水面或地面就可以稱為水龍捲或龍捲風。
港九拯溺員工會前主席郭紹傑話，水龍捲除可將成個人捲起，亦會捲起好多雜物如太陽傘，傷及在場人士，如果遇到惡劣天氣，救生員一般會叫泳客上岸，如發現情況危急，自己及泳客亦應即時搵室內地方暫避，如救傷站甚至更衣室。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。