前晚多區大雨滂沱，天文台喺晚上10點幾發出黃色暴雨警告信號，其間一艘由中環去梅窩嘅新渡輪高速船「新輝伍」，駛至喜靈洲以北對開海面時，懷疑撞石觸礁一度停駛，有乘客大讚擱淺期間船長親自同乘客交代情況，令大家安心，最終有驚無險返到梅窩。
攞大聲公親自解釋情況
乘客翁小姐話，前晚搭9點40分船返梅窩，大約10點突然感覺到渡輪嘅引擎熄晒，喺海面漂浮，「好似停咗喺海中心，唔知自己喺邊」，再望出窗外漆黑一片，面對突如其來嘅未知之數，心入面都有少少驚。佢指之後聽到幾次引擎發動聲，但隻船都唔郁，仲有船員出船艙外睇，令一眾乘客更加不安。
好在約10分鐘後船長攞埋大聲公，親自向乘客解釋情況，話天雨關係令船隻擱淺喺喜靈洲北面一處石灘，安撫大家情緒。片段見到船長指船艙即使穿咗都唔會導致沉船，有人仲自告奮勇英語繙譯內容畀外國乘客聽，翁小姐話得知自己身處喺邊後，大家都變得安心，知道有咩事都可以走落石灘，所以全部人都好冷靜，安坐座位等候。
再過多10分鐘左右，渡輪終於成功褪後返入水中，翁小姐話職員即時檢查有冇入水，再喺海事處船隻護航下到達梅窩，而岸上已經有救護車、警車等候，不過最終都派唔上用場。翁小姐讚船長處理得宜，令乘客唔使擔驚受怕，結果比想像中更快到埗，乘客上岸一刻更加「個個拍手掌，多謝船長」，相反船長仲同乘客致歉。
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。