估唔到買餸都可以變拳頭交。讀者冼女士上星期六下晝5點半喺大圍街巿外圍買餸，睇到一對港人母女同另一個操普通話嘅女人，因為街頭碰撞問題嘈起上嚟，雙方一言不合，普通話女人一嘢捉住港女件衫大鬧，對方大叫縮手，繼而就兜腳踢落對方個小腹，然後港女阿媽見到，加入戰團用枴杖加多一招「鐵拐李」送畀對方。
街檔擠迫 疑碰撞起爭執
冼女士話當時普通話女人一直捉實港女件衫唔放，又向身邊人大叫「打人呀」，嗰對母女試過夾手夾腳屈住對方手指想鬆人，圍觀途人一直喺度食花生。之後冼女士睇唔過眼，打999報警，警察嚟到將3個女人分隔，經調查拉晒3人上警車，話要返差館錄口供，成件事先可以拆得掂。
冼女士解釋，大圍街巿外邊不時有人擺街檔，價錢比街巿平，加上臨近傍晚會再減價，有啲瓜菜平到10蚊有兩、三盤，吸引唔少街坊幫襯。不過呢條路好窄，食環署小販隊又唔係日日巡，如果加上人群同街檔堆埋一齊，碰撞難免，佢估計嗰度一個月起碼有一、兩次嗌交，但打交都係第一次見。
警方回覆話一個35歲姓林女人同一個39歲姓李女人，當日下晝5點喺大圍街巿外發生口角，林女腳踩李女腹部，對方則施拳還擊，之後林女嘅64歲母親用枴杖毆打李女，警方到場以涉嫌公眾地方打架拘捕3女，其中兩女報稱受傷，送咗去威爾斯敷治。為咗爭幾條菜或膊頭撞膊頭就大打出手，你話係咪好無謂呢？
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。