公民黨陳家洛嘅二女綽寧（Natalia）係IB滿分狀元，喺英基學校協會沙田學院讀書。佢曾經接受傳媒訪問時提到，父母喺學業上無特別管束佢，讓佢獨立決定同安排，喺佢遇到挫敗時會喺身邊支持，仲話希望將來喺英國學成歸來後，回港擔任教師，將戲劇和英文結合，以靈活方法教學。
家洛曾經講過，2012年細仔出世後，Natalia係最識照顧BB，湊B手勢相當熟練。至於孖女Maja同Kaja，兩個一樣都係沙田學院嘅畢業生，兩人曾經喺2010年時為五區公投宣傳嘅記者會現身，當時兩人只得9歲，如今已長大成人，即將負笈海外。而大女Monika當年就去咗波蘭讀政治及國際關係。
當年為父助選轟動
家洛嘅四位千金，由2010年嘅五區公投至2012年家洛參選立法會選舉時，都不時曝光。當年4人為陳家洛助選時，不少人激讚四位千金係「無敵助選團」，亦有人封佢哋做「四小美人」。