麥當勞近日推出優惠，包括10蚊兩個豬柳漢堡，10蚊9件麥樂雞咁，難怪吸引唔少人捧場，不過數量有限，前日有位阿哥，因為買唔到10蚊兩個漢堡包，竟然發爛渣大鬧餐廳。
致電《蘋果》道歉 堅持餐廳誤導
話說老麥前日嘅優惠，係10蚊兩個漢堡包，真係食完都唔使食飯。但呢位阿哥去到櫃枱買嗰陣，職員話賣晒。根據一條瘋傳嘅網上短片，一位年約40歲嘅哥仔，用一條兒童防走失帶扣住年約2、3歲嘅小妹妹，喺老麥櫃枱非常躁底：「你話全日都有，𠵱家都未夠（凌晨）3點！點解一個有，兩個冇？大家都係漢堡包！」片中隱約聽到店員細聲安撫「優惠完咗喇」，身邊嘅食客全部企喺度食花生，而佢個囡囡企喺隔籬非常淡定，好似見慣大場面咁！
嘈咗幾分鐘，一位後生仔想買嘢食，好心提醒躁底哥，點知呢個時候，佢竟然爆seed，一手推個後生仔埋櫃位「你買先吖！」對方不甘示弱「你點教女呀？」「關你X事咩？你唔好搞X到我個女呀！」店員見越吵越烈，都忍唔住叫呢位哥仔「冷靜啲！」最終，呢位阿哥買咗包細薯條，仲好似突然醒返起帶住個女咁，抱起佢呵吓！妹妹由始至終一粒聲都冇出過，唔知真係淡定，定係嚇親呢？
躁底哥噚晚致電《蘋果》，為講粗口一事道歉，但堅持事件係餐廳誤導所致。麥當勞證實，片中為屯門蝴蝶邨分店，事發於前晚10點幾，當時店內只剩一個漢堡包，所以職員就話未能提供「$10兩個漢堡飽」優惠。發言人又話，每款優惠嘅供應時間為當天早上11時起，售完即止。
識睇睇留言
Winnie Ma：佢真係好愛漢堡包！
Shukfan Chan：呢啲叫身教，佢個女真慘！
Tsz Ching Cheng：小妹妹好慘，成日都咁一定嚇死佢！
Ming Yuen：可能帶唔夠錢，身上嘅錢只夠買有優惠嘅包！
Wong Wai Chung：其實佢講得幾啱，點解買一個就有，但個優惠冇咗？
爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。