有機產品始終不是大路產品，有時忠實用家要一次過買齊，又想有多幾個選擇，的確要走多幾轉。想節省腳骨力，「機」迷們就要留意了！今個月29至31日，灣仔會展將開辦第五屆「亞洲天然及有機產品博覽2018」，一次過睇晒不同地方的有機產品！
今次的展覽分為四個主題，分別是常見的「食品類」，如無添加、無麩質、非基因改造素食、清真食品和農產品等；當然唔少得「美容產品」，包括個人護理產品如防曬、男女士護理，另外亦有母嬰產品、香水等；「家居用品」方面，綠色家用產品、天然有機紡織品、可分解清潔及廚房用品等，當然也可找到；唔單只人，連寵物都可以Go Green，現場有不少「寵物用品」攤位，若你是「貓奴」、「狗奴」或「乜奴」不妨留意一下。
保養品大行其道，但當中的成份、醫學詞彙等，一般消費者未必可分辨。展覽中設有保健營養品類別，如有機功能性食品、牙齒護理、天然補給產品及排毒食品等。要食得安心，不妨趁機向駐場供應商請教。今次博覽有逾250間供應商，來自32個國家及地方，如美國、法國、英國、澳洲、意大利以及日韓等地。
亞洲天然及有機產品博覽2018
地點：香港灣仔博覽道一號 （港灣道入口）香港會議展覽中心1DE展覽廳
日期及時間：
2018年8月29日（星期三） 10am - 6pm
2018年8月30日（星期四） 10am - 6pm
2018年8月31日（星期五） 10am - 5pm
費用：免費入場
採訪﹕湯珮然
即Like全新飲食專頁【籽想好食】： https://www.facebook.com/food.appleseed/