讀者蘇先生前日返內地睇牙醫，即日黃昏6點幾經羅湖返香港，喺羅湖站大堂入閘之後，見到一男一女喺通去4號月台嘅位置嘈交，鬧得好大聲。男嘅近頭頂紮咗條辮仔，件T恤俾金髮馬尾女扯到爛晒，露出右膊，好似泰山裝咁。
蘇先生同好多乘客喺度圍觀，佢話個男人又將女方嘅物品揈晒落地，女方一度扯對方褲袋，兩個人喺度拉拉扯扯。
警察到場調解
港鐵職員同保安員走上去了解，又圍住現場叫啲乘客唔好停留、唔好再影，又話佢哋嗌交、耍花槍箒。港鐵職員同時通知警察到場，兩個警察將男女分開，各自行埋一邊調解。
港鐵回應就話，當日傍晚6點15分，有車站職員喺羅湖站入境大堂發現一對男女爭執，經了解後通知警方，交由警方調查，事件未有影響車站運作。