老人家教落，農曆七月唔好出夜街，信不相由你！小記唔係導人迷信，但夜孖孖着紅衫，仲好似呢位露腰紅衣女咁無啦啦彈出，真係分分鐘嚇死人！
話說Candy上周五晚深夜坐住朋友車上大帽山，途中突然有個長髮紅衫女喺車頭前方撲出，司機嚇到煞車，由於事出突然，一車人嚇到粒聲冇出，直覺話畀佢哋知係撞鬼，Candy仲心諗：「唔係咁猛呀？」呢個時候，紅衣女將個白色手袋掟向部車，Candy睇清楚先知道原來係人，真係嚇鬼死。
手袋掟車兼鬧人
從Candy提供嘅車cam片所見，當時對面線仲有對頭車嚟緊，紅衫女突然喺對面線撲出嚟，撲向Candy部車嘅右邊車頭，小記睇到條片嗰刻，個心都離一離。
Candy話好彩當時車速唔快，所以先煞得切車，但司機都即時倒車，避之則吉。估計紅衫女覺得自己差啲俾架車撞到，所以仲將白色手袋掟向部車，口噏噏好似鬧緊人。
到呢一刻，Candy話先睇清楚個紅衫女係人。對方仲係着露臍裝，相當性感，身後仲有個男人跟住追上嚟。鬼咩，周圍咁黑邊睇到對方係一男一女啫。Candy話相信個紅衫女可能係飲醉酒喎，佢同朋友定一定神之後，先至開車繼續上山。Candy話呢個農曆七月，自己都係少出夜街為妙。
爆相爆片
#MeToo個個都要爆，但係唔一定要舉牌！只要你肯爆，無論好事、壞事、憤怒事，正嘢、衰嘢、古怪嘢，影低佢，《蘋果》幫你爆，更設爆相爆片大獎賞，除咗爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568
參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。