孫耀威昨日到新城宣傳新歌《最後最後》，他早前為新歌拍MV：「由故事、拍攝到剪接，我都畀咗好多意見，由第一個鏡頭到最尾嗰個都係我自己剪。」新歌提醒大家要珍惜當下，孫耀威自爆以前與老婆陳美詩嗌交總要據理力爭：「𠵱家會攬番佢講對唔住，對錯其實好少事，最緊要係想佢開心，不過我老婆有時嬲起上嚟好難搞。」