英國《每日郵報》報道，曼聯嘅桑馬達並唔會同球隊續約，想喺季尾以自由身離隊，回歸舊會華倫西亞。其實佢今夏已經想走，但因為華倫西亞唔想畀咁多轉會費，所以馬達先會喺下年以自由身離隊。馬達喺2007至11年效力華倫西亞，其後轉投車路士，再喺14年加盟曼聯，但自16年摩連奴成為曼聯主帥後，佢嘅機會真係唔多，所以先想離開球會，重返華倫。