Facebook贏得西甲喺印度半島嘅播映權，交易將令數億南亞用戶受惠，可喺未來三季免費觀看。西甲禮拜二發聲明，稱交易係「獨一無二」，可將西甲賽事嘅影響力帶到更多地區，單單喺印度已估計有2.7億嘅FB用戶。除咗印度外，印度半島仲包括阿富汗、孟加拉、巴基斯坦及馬爾代夫等，呢啲國家嘅用戶都可透過FB觀賞新一季380場賽事。