禮拜二進行嘅歐聯第三圈外圍賽次回合賽事，些路迪作客開賽六分鐘就畀AEK雅典嘅洛迪高加路攻破大門，換邊後馬高利華查更射成2:0，雖然史葛冼佳亞喺78分鐘拉近比數，但之後再冇增添入球，以1:2輸畀AEK，兩回合計以2:3落敗無緣晉級，亦係呢支蘇超冠軍隊由羅渣士出任領隊以嚟首度缺席歐聯正式賽事，只能轉戰歐霸盃外圍賽附加賽。