今屆世界盃表現備受批評嘅阿根廷球王美斯，又爆出退隊疑雲？美國《TNT Sports》報道，呢位巴塞隆拿球星已經通知咗國家隊暫代主帥史卡朗尼，話自己嚟緊唔會參與幾場國際友誼賽，包括9月7同埋11日喺美國分別對危地馬拉同埋哥倫比亞，以及10月喺沙地阿拉伯對巴西嘅賽事。至於明年上演嘅美洲國家盃，美斯就未知會否改變主意歸隊參加。