今季英超轉會窗提前喺上個禮拜四聯賽開鑼前一日關閉，據《英國鏡報》報道，至少有兩支英超球隊唔滿意呢項新規定，認為提前閂窗會令英超較其餘四大歐洲聯賽「輸蝕」，因此要求將轉會窗關閉日改回以往嘅8月31日。英超賽會下月就會為轉會窗一事舉行會議檢討，唔知今季「零收購」嘅熱刺領隊普捷天奴會唔會投反對票呢？