浪子回頭，16年成麥卓賢生涯轉捩點，短短半年間他從谷底彈起，接連於世界賽、亞錦賽等大賽得獎，同年再獲選為香港傑出運動員，頒獎時他在台上感觸流涕，腦海盡是身處低谷時的畫面，或者他也終於明白以前亞運隊友為何飲泣人前。麥卓賢每次出賽都會預備一個全新的保齡球，但人漸大，經驗越豐，舊球越積越多，無形的羈絆和責任也壓住心頭，他無奈嘆道：「十幾歲我係好犀利，𠵱家心態完全唔同，返唔到過去喇。以前打波開心無壓力，咁細個都係攞經驗，打唔到都唔會畀人話，好自在。」我問麥卓賢要童年打球的相片，一瞥之下總覺今昔有種不同，麥卓賢小時候拍照會咧嘴露齒，出道時初涉世途一臉好奇，笑容燦爛天真；現在每遇鏡頭，嘴唇一直緊閉，只有嘴角微微上揚，喜樂不形於色，一切都藏在深處。
搵美食忘記負面情緒
人大了，打保齡壓力在責任？執着於勝負？麥卓賢聳聳肩，只道都是日積月累的經驗往事使然。麥卓賢說保齡是內心世界的運動，有時出手角度力度看似恰到好處，球瓶硬是不跌，有球手激動大發雷霆，亂踢一場；他固然氣結，也自有解決方法，「打唔到實有一個問題，我會着重去解決，發洩出嚟為咩？無用嘅。我就會選擇食好嘢啦，我同胡兆康都係，一打唔到，『去，食好嘢！』橫掂都係啦。」好友羅逸軒笑言在他身邊絕不會有餓的一刻。一談起美食，麥卓賢果然從菲律賓的餐廳、拉斯維加斯的沙律、興致勃勃談到塞浦路斯的高級扒房，他常與胡兆康周圍閒逛，自詡到外地總會預先找到好餐廳，那印尼呢？「印尼好似無咩好食，哈哈，仲未諗到打唔到之後食咩好，食印尼撈麵啦！」
也許人在高處要抵住嚴寒，就要甘心接受急速成長的代價。提及少年往事，他津津樂道說夜來時常與對手、隊友在房內玩起枕頭大戰、玩啤牌。突由黃毛小子冒升至成年隊，習慣嗎？「我玩到15、16歲就要同大人玩，其實miss咗好多嘢，加上我16歲轉全職，變咗職業，方向都係保齡球，同齡嘅人唔明我？咁咪同大嗰班傾計囉，話題都係大人。」