十多歲的神童眼內只有球道、只有比賽，根本懶理一切，「去美國打職業賽時，隊友同我講嘢我唔理，我個心唔單止諗住打贏你哋班港隊，而係你哋全場所有人。你同我講嘢會分我心，所以畀人感覺咁寸、又孤僻，但落到個場就要砌，都係成績行先。」
「保住精英」終鬆口氣
2010年他出戰廣州亞運，如一張白紙般北上，「我去到覺得咁多人嘅，好想表現出嚟，我打隊際做頭，一路衝一路衝。」最終他助港隊於五人賽奪銅，賽後隊友想起比賽壓力便淚流滿臉，麥卓賢一臉茫然呆坐，「我都唔明佢哋有咩壓力，我得16歲鬼知咁多咩？」
識於微時的好友羅逸軒形容麥內向、情緒平穩，「佢輸咗最多唔笑半個鐘，𠱁吓佢就可以重新嚟過；佢贏好勁嗰次，你又唔會feel到佢好開心。總之從來唔覺佢緊張，就算佢話緊張到儍，你都唔會知，高手先係咁。」然而凡事總有例外，麥卓賢自道人生只有兩次比賽時大喝出聲，一次是去年世錦賽奪金一役，一次是14年仁川亞運。
2014年港球隊陷入存亡之秋，若該屆亞運無緣獎牌，保齡球隊有機會被踢出「精英項目」之列，資助大削，運動員生計也不保。20歲的麥卓賢再戰亞運五人賽，四年前他打頭陣出征，一心要享受舞台、表現自我；14年他被安排守尾門，壓軸上陣的麥卓賢球球關鍵，「我壓力爆出嚟，打完每一球都要嗌，當時分數同對手爭得好近，臨尾一格波要打落去嘅時候真係好緊張，好彩最後險勝中國隊四分，攞番塊銅牌保住精英。知道有牌時我個人真係鬆一口氣，但唔係因為有牌而開心。」