新白鹿徑原本定喺9月15日對利物浦嘅大戰啟用，不過近日就已經傳出可能會延期入伙，而熱刺就喺星期一正式宣佈，由於新球場出現「重大安全系統問題」，暫時都要繼續留喺溫布萊球場，但球會就冇喺聲明中詳細透露新球場出現咗乜嘢安全問題。熱刺主席利維就對新球場未能如期開幕表示失望：「我知道呢個消息對於買咗季票嘅球迷同高級會員嚟講係失望嘅，不過新球場係一項複雜而且具挑戰性嘅工程項目，我希望喺呢個重要時刻能夠繼續獲得大家嘅諒解同支持。」熱刺將會喺10月28日主場迎戰曼城，英國傳媒就話，假如今次新球場入伙唔再延期的話，呢場比賽好有可能成為新白鹿徑球場嘅揭幕戰。