【本報訊】「紅線」之下，政治人物謹言慎行，以免稍一不慎跌入DQ陷阱。曾被指支持香港獨立、兩度遭政府剝奪立法會參選資格的沙田區議員陳國強坦言，一生人中公開講及香港獨立的次數「唔超過十句」，兩被DQ後，「所有佢（政府）話紅線嘅嘢我都唔講，甚至所有似少少港獨集會我都唔去」。他透露積極考慮參加11月的九龍西補選，以測試政府會否再次無理剝奪其參選資格，「我想話畀香港人聽，究竟𠵱家香港去到幾恐怖？」
「話畀人聽香港去到幾恐怖」
「如果（問）我一生只講過幾次香港獨立，（係）唔夠10次，咁佢（政府）就終身DQ我，𠵱家呢個香港社會算係乜呢？」下屆區選或引入確認書，陳國強能否爭取入閘也成疑。他稱為了配合政府的政治篩選，曾經主動致電中聯辦，索取加入中國共產黨的表格，最終一名接線生叫他致電其他部門，「咁我梗係冇打啦，我玩啫。我其實係想話畀香港政府聽、話畀北京政府聽，你唔好再搞好多乜嘢政治篩選，如果你話要參加共產黨、要係黨員先可以參選，你畀張表格我，我填畀你睇。但去到咁就冇意思啦，一個文明社會，要走向更加文明或者發達，係要不同思想衝擊」。
從事進出口生意的陳國強稱除佔中時期外，一直定期往返內地經商，「我平均每一個月返一次上海，每一個禮拜返一次大陸，咁你如果話我唔愛呢個民族、唔愛呢個香港，咁真係講唔通喎」；本年底他更將會以副團長的身份帶領沙田區議會到訪大灣區。
問到現時是否支持港獨時，陳國強指「香港獨立」對他來說，是指香港獨立於共產主義，「係一個意識形態啫，至於好似陳浩天話要點樣推翻推翻，我從來都冇講到呢啲嘢」。
為測試政府會否再無理剝奪港人參選權利，陳國強稱九成機會報名參加11月的九龍西補選，「如果佢想DQ我，可以DQ我乜嘢呢？由上次DQ到𠵱家，所有佢話紅線嘅嘢，我都唔講，甚至所有似少少港獨嘅集會我都唔去」，希望藉此行動，測試香港「去到幾恐怖」。
■記者許偉賢