要數香港交通運輸界「代言人」，實政圓桌立法會議員田北辰一定上榜，由巴士到鐵路，都不時作出評論。而呢位交通達人，都好關注香港賽車發展，隨住香港汽車會去年底正式加入港協暨奧委會，賽車喺香港終於成為一項運動，但呢項運動一直未能普及，原因為何？之唔係土地問題！既然係咁，田二少惟有睇住展覽「望梅止渴」。
原來近日佢帶咗孫仔去睇90年代經典人氣動畫《高智能方程式》展覽，指呢套動畫當年好受香港人歡迎，香港仲係故事入面嘅比賽場地之一，慨嘆香港賽車發展落後，到咗今時今日賽車運動都仲未普及。佢話發展賽車運動可以吸引旅客嚟港欣賞賽事，「提升香港國際形象，仲可以支援體育發展同科研」，有感而發話希望孫仔大個之後，香港會有達國際標準嘅賽車場，「等佢有機會留返喺香港睇真賽車啦。」