【本報訊】女士們去旅行撞正月事來臨令人閉翳，部份人因計劃在旅行期間游水及做Spa，選擇用藥延遲來經。註冊中醫師彭明慧表示，經期是反映腎氣的陰陽平衡，刻意延遲來經，會令腎氣受干擾，可影響情緒，甚至生育。彭間中會接獲女病人因押後來經引致之後無經期而求診，需要接受中醫調經才能回復正常。
彭指，用藥延遲來經或令人體腎氣陰陽失衡，可導致肝鬱問題，包括影響情緒，令人變得容易心情煩躁。
傷肝腎影響情緒
另外，當腎氣被破壞，都可造成腎氣不足、即腎虛問題，後果可大可小。曾接獲女病人求診，因為要去旅行，一度用西藥、中藥延遲經期來臨，令月經變得紊亂，事後持續兩、三個月也沒有經期，或者「嚟得好混亂」，引致感到很焦慮、擔心，身心受影響，要找中醫調理身體，包括調經，「臨床上都有好多女病人話想用中藥干擾同押後經期，但我唔建議咁做，因為代價太大，會影響身體，容易因小失大」，建議女性計劃旅程時，最好先作出相關配合。
■記者梁麗兒
想輕輕鬆鬆健康啲，記住留意健康蘋台
http://health.appledaily.com.hk/