港鐵沉降，一直瞞天過海唔肯開誠布公，原來的苦衷，是驚沉降打沉樓價。影響樓價，等同阻人發財，今時今日，係不可饒恕的死罪！
689港獨不離口，不斷在fb撩交打，病情近似那位語無倫次、橫空出世的陳博士，湊巧二人都是fb炮手，既然後者「熱切地同情女歌手」，何不以同樣涼薄名句，轉贈港獨死侍689：「……效果全無！全無啊！陰功！」兩位都是面書打嘴炮高手，互戕戲碼，不日公演。戰狼惡鬥老學究的免費娛樂，搶高收視，大媽攻陷尖沙嘴碼頭得個桔，觀眾與打賞劇減九成，噪音消散，負負得正，不錯嘛。
689被趕下台後勇於一支公，單人跳這隻背景音樂是義勇軍進行曲的探戈，終極自戀到躁狂境界，唔知幾時會跳跳吓升呢跳樓！港獨，唔係市民那杯茶，但講層樓被降價，全城小業主唔同你死過？主席與局長，雙雙帶淚香夭柒次都唔夠！所以呢，假如689搶到港鐵個主席位做，香港再無人抑鬱了，全民受沉降地獄感召，林鄭塞俾香港人的五嚿水，正是陸沉那一張。