黃大仙摩士公園游泳池懷疑有救生員當值嗰陣瞌眼瞓，噚日雷暴警告之下，有家長如常帶仔女去泳池參與泳班嘅課堂，家長又點睇𠵱件事呢？
王女士帶住10歲嘅囝囝去泳池學游水，佢自認不熟水性，囝囝每次游水都要有教練或爸爸喺身邊睇住先放心，佢覺得普遍救生員表現都ok，但如果有人當值期間瞌眼瞓，佢都會驚驚哋，始終個仔喺水裏面有乜事，救生員瞓咗覺都好危險㗎嘛。王女士認為當局若有制度監督一下救生員嘅服務會好啲。
另一位喺黃大仙住咗好多年嘅街坊鄭小姐，都間唔中會去摩士游水，佢對救生員表現都幾滿意：「佢哋都精神吖，會望住泳池同泳客。」她認為泳池水較淺比較安全，自己亦會留意住小朋友，「沙灘就唔好喇！」佢體諒救生員有時做到攰，瞌幾分鐘都好難避免。