呢期香港最hit嘅電影，可能係純本土電影《逆流大叔》，呢套以中年男人危機為主題嘅港產片，吸引唔少政界入場支持。
工聯會三位立法會議員何啟明、陸頌雄同麥美娟，日前同鄧家彪一齊入場睇戲，八方相信阿彪對呢套戲感覺最大，唔係想話佢步入中年，而係因為當年佢讀書那些年係划艇隊成員，事實上阿彪都喺facebook話呀，係佢「捉住」拍檔一齊睇戲，「俾我d肌肉懷緬一下接近廿年前喺城門河激浪青春嘅歷史。」雖然划艇同扒龍舟有分別，但阿彪認為兩者都好着重團隊合作、節奏同毅力，一坐上龍舟，就要認清鼓聲，破浪前行，強調做任何事都一樣。