模特兒出身的22歲Monique Yu，雖然外表纖瘦，三圍卻有32B、24、33，不過她本身是愛吃之人，尤其最愛食消夜，她笑說：「食極唔肥可能係因為爸爸遺傳，我讀書嗰陣都係田徑隊同排球隊，不過畢業後就冇再經常做運動。」
識避毛手毛腳
對於時下有不少模特兒接私影job期間，遭到性騷擾，本身有接私影的Monique，當然有一套自保方法，她說：「入行頭一年，就會搵個朋友陪我，同埋我唔會自己一個去酒店影，如果去酒店影，我一定要多個女模特兒拍住我先會影，如果遇到毛手毛腳，我就會避，對方都唔會好猖狂。」她還說：「如果有啲甫士，我明知係會走光，我會同佢講唔擺。」
堅持三點不露
另外，提到Monique有否遇過瘋狂男fans？她說：「都有，不停inbox『hi』我，我唔覆佢，都會繼續『hi』，我都聽過其他模特兒講會收到男fans自拍私處嘅相，但我就冇遇過。」雖然家人一直反對她影性感相，但她說：「我冇理，平時我着背心短褲出街，媽咪都覺得我露得太多，叫我着密實啲，不過我一直都有畀自己底線，就係三點不露。」
採訪：黃曉妍
攝影：陳慧安