曾志偉為港姐擔任司儀多年，最近傳出被無綫封殺，「死因」指他近來與無綫對着幹，不單現身ViuTV節目，加上一直有傳志偉和無綫綜藝組揸弗人余詠珊不和，志偉亦不止一次寸爆余詠珊負責的港姐騷，更以「慘不忍睹」來形容。
「拍嘟姐就有我哋」
組合農夫向來是無綫愛將，經常現身無綫大騷擔任司儀，前晚他們在灣仔會展出席活動，問二人會否是今年香港小姐的司儀？成員C君表示：「搵嘅話一定做，𠵱家傾緊日子，但係撞啱我哋8月要去巡迴，十年都冇做過巡迴，所以個期都未落實，未知會唔會做，但有機會都想做。」陸永則搞笑地力sell農夫價錢好抵。
有指無綫近年節目越來越縮緊開支，C君及陸永即笑說：「所以搵我哋咪啱囉！」然後再講笑謂：「有嘟姐（鄭裕玲）就會搭我哋，因為嘟姐貴，要搵我哋兩個平衡番。」至於志偉傳被無綫封殺，今年或不會擔任港姐司儀，C君沒有正面回應，只說：「冇真正拍過志偉合作綜藝大型節目，只係試過俾佢拍打過額頭同後尾枕。」
楊洛婷心美鬥低胸
同場的楊洛婷及黃心美均谷胸性感現身，楊洛婷表示做媽咪有時都要性感，不可以太保守，還笑指：「同埋我老公鍾意，唔使收埋，最緊要靚，佢鍾意嘅話露三點都冇所謂，最緊要佢有信心，今日老公都見過我呢個造型，都讚我靚。」她又透露下月囡囡一歲生日，屆時更會帶女兒到加拿大參加胞弟的婚禮。
採訪：卓寶花
攝影：仇志德