香港工商界同胞慶祝國慶69周年籌備委員會噚日開會，選出早前已經答應咗幫「香港同胞慶祝中華人民共和國成立69周年籌備委員會」搞國慶活動的中華總商會會長蔡冠深，出任主席團主席，其他主席團成員包括「田少」田北俊、「賭王」何鴻燊、「超人」李嘉誠等猛人，個人委員則超過500人。
為籌委會出任副秘書長的余國春話，今年除咗9月會搞國慶酒會，亦會喺中總大廈外牆懸掛慶祝國慶的大型掛畫，透露現時委員會仲有60幾萬元，已足夠支付今年國慶活動開支，所以毋須籌款，但就建議為每位參加酒會的人士購買襟牌，每人要畀700元。
籌委會又話為響應環保，今年邀請嘉賓時，會盡量用電郵或傳真取代郵寄喎。