今年係港大Ricci Hall（利瑪竇宿舍）90周年，梗係要隆重其事好好慶祝吓啦﹗稱為上幾代嘅「大仙」都不為過嘅民主黨創黨主席馬丁李柱銘，亦出山幫Ricci Hall嘅fb拍咗條短片，講吓當年佢身為Ricci Hall足球隊隊員嘅趣事。
難忘足球賽反敗為勝
話說1957年入港大嘅馬丁，少年時候風度翩翩，但又相當之喜愛足球，可惜並唔係話踢得好叻，所以經常自己一個人踢。卒之到咗比賽要搵夠人就搵埋馬丁湊夠數，馬丁形容當時隊波有10個人都好波嘅，由於差一個人嘅緣故，隊友見佢咁勤力、個人又好氣就搵埋佢。
相信都係馬丁謙虛箒，事關隊波一直殺入決賽。而喺決賽上，佢哋開波5分鐘、馬丁連波都未掂過就先輸兩粒，搞到叫咗唔少女粉絲嚟睇波Ricci隊幾鬼瘀呀﹗好彩佢哋成隊人發力，以4比2反勝完場，亦反映Riccians面對逆境波都充滿拼搏精神。除咗馬丁，為咗慶祝Ricci Hall 90歲真係不惜工本㗎，大家有冇留意港鐵嘅燈箱廣告，有香港內窺鏡之父嘅鍾尚志、攝影師范家朗都有幫手宣傳㗎。