689被777擠落台後，越發「周轉」不靈，急於轉移視線，唔忌先撩者賤，四圍撥火，唔夠猛就出律師信去搶火。
今次，FCC點樣回拖？發帖，請各方武林大會開talk，主題係辣到佢面青的UGL！港毒，唔講得，UGL？全城只有一個689鼻孔出煙，抖音說不！FCC三小時內必然收到律師信，但律師信只能唬嚇無人無物的小市民，叫立法會議員收聲都無力（淨得一個周乜頂自甘墮落隨狼起舞），更何況叫臥虎藏龍的外國記者會收皮？挑起記者條筋，外媒和港媒自動波埋位做嘢，肯定開talk講足柒日！UGL開壇，冇地方比得上FCC，689在fb打嘴炮天下無敵，發律師信當自己係差佬派牛肉乾。到當面對質，就縮窒過一條隔夜粉腸（網友形容）！這條公式，做了N次，當事人一再發、再發、再發律師信，「病發」頻繁但唔肯包膠，毫無疑問是對法律專業的淫褻不雅！689UGL五千萬，這組令人深感不安的密碼，屬於某人難逃的毒咒，但不是香港難以脫鉤的降頭。破解這種二級詛咒，欠的，極有可能就是關鍵那個7！借定唔借？告定唔告？全在阿柒。