C朗新波衫賣斷市！喺七月至落實加盟祖雲達斯嘅葡萄牙名將基斯坦奴朗拿度（C朗），佢喺祖記官網新季55,000件波衫（圖）截至周日大致上已經沽清，計吓數即係平均每日賣逾2,000件，𠵱家只係淨番XXL同童裝碼咋。據報新一批波衫會喺九月底至10月初到埗，C朗球迷要買祖雲達斯球衣，就要另尋他法。祖記上月以一億歐元買入C朗，不過以目前球衣嘅銷情，祖記淨係賣波衫已可收回5,500至6,500萬歐元，收番超過一半投資，仲未計其他商業收益，可見33歲嘅C朗來投，對祖記嚟講，絕對係除笨有精。祖記名將派路亦都話，C朗嘅加盟對祖雲達斯嚟講極其重要，尤其係喺歐聯賽場。