提議駐港解放軍非公務出營，照樣可穿軍裝的人，真係有道理：
一，警察，唔一定個個係好人。全香港只有解放軍夠膽寫包單，一定個個係好人！成街好人，冇滾市民！
二，解放軍裝霎時成為潮服，淘寶，想唔發都幾難。馬雲都着返件趁墟，與軍頭過兩招。解放最強，打真軍的，香港人，驚呆吧。
三，解放軍look香港人難辨認，萬一暗角再來一次打鑊，除非被害人是解放軍肚裏面那條蟲，否則，點認人，點指證？唯有小事化冇，社會大和解。
四，為人民服務的解放軍，取代X人老母的警察，日日幫婆婆推紙皮車，全港母親由老母到嫩母一致俾讚。
五，軍裝雖然解放，但武裝在身的兵哥好克制，謹記習主席軍訓，唔會隨便撩𡃁模或者偷拍裙底，是警隊的好榜樣。員佐協會那批警棍，學嘢啦。
六，解放軍好快融入家中，軍裝內褲火紅應市，香港人瞓身向阿爺交代：雖然衣衫不整兼夾「村上春樹」，但包膠更愛國！