國際足協主席恩芬天奴做被告？球證近年喺世盃、英超、歐聯等賽事經常用嘅消失的噴霧（圖），原來係兩個叫保羅施華同艾歷馬尼嘅人設計發明，佢哋就話𠵱家國際足協欠佢哋一億美元（約7.8億港元），仲話未計世盃期間嘅專利權！根據西班牙《阿斯報》報道，保羅施華正向恩芬天奴追討：「國際足協一邊話公平競技，但一邊就拖數唔還，早喺14年巴西世盃，國際足協應承話會找數俾我同團隊，但拖咗三年，我對佢哋嘅手法好厭倦，惟有喺法庭見。」不過訴訟期間，消失的噴霧仲可以喺各項賽事使用，至於一億美元條數點計出嚟，原來就係每場波要15,000美元，都唔講得笑。