【拆局】
前特首梁振英3日內在社交網先後向民主派及外國記者會開火，有民主派中人認為，梁不時借UGL案及港獨議題煽風點火，其中一個原因固然是不甘寂寞，又不想人提不利他的新聞，以免影響其形象，「想人覺得佢呢個政協副主席仲有權、仲可以指點江山」，另一個原因相信是想令特首林鄭月娥有壓力，「佢想令北京覺得林鄭反港獨不力」。
欲顯示政治能量
有民主派中人指，之前郭家麒到廉署請願，要求廉署秉公查梁涉及的UGL案，雖然有將UGL案與曾蔭權案相提並論，「但唔係郭家麒第一個咁講，而且佢提嘅內容根本無特別」，但梁仍要出律師信，「其實只要留意，梁振英落任之後，任何政黨、傳媒一提要查UGL案，佢一定反擊」，他認為唯一原因，就是要外界不再提UGL案，「但民主派立場好清楚，梁振英越唔想人講，就偏要越講多啲」。
至於梁又借港獨打外國記者會，該民主派人士不排除梁又想以打港獨，轉移外界視線，同時也借此顯示其政治能量，「佢仲可以對香港事務指指點點」，另一民主派人士更稱，其實連梁自己在社交網貼文，也用「要嚴格防微杜漸」去形容港獨，「用得『防微杜漸』，即係佢自己都認港獨喺香港冇市場、唔係主流」，而梁振英就以「捉隻曱甴當怪獸」方式去打港獨，無非想營造林鄭反港獨不力觀感，「咁佢咪有存在價值，挾實林鄭」。