話說財爺陳茂波耐唔耐就會做「鍵盤戰士」，逢周末以網誌形式發表言論，內容離不開跟財政司工作有關，有時sell吓政策咁。
重複講過六次
今年以嚟，波叔都經已寫咗31篇網誌，噚日都唔例外，波叔以「考察大灣區」為題sell吓大灣區嘅創科發展幾掂、幾勁，香港可以點補足咁。例如話「以香港的科研實力，加上廣東省內蓬勃的產業鏈和製造業基地，可以利用這種前研後製的優勢，共同攜手推進整個大灣區的創科產業發展。」
不過華華發現唔知波叔係咪寫到無嘢好寫，今年以嚟講大灣區嘅文章，重重複複講完又講，已經寫過六次，由「國家改革開放四十年 」、「大灣區對青年人的意義 」到「準確定位 乘勢而上」都通寫勻。查實大灣區發展都係上年先出爐，各方嘅吹捧已經到了離奇的地步，不過當大灣區主題曲都有埋，又有乜嘢係唔可能呢？
李華華
mailto:[email protected]