不少珀麗灣一手樓業主，均是被馬灣恬靜的小島環境，以及新地吹噓交通如何便捷吸引。入住逾15年的珀麗灣業主委員會主席鄧紹榮是其中一人，回想2002年開售時的盛況仍然歷歷在目：「好墟冚，插針不入。門口就擺咗珀麗灣模型，有人拎羅盤出嚟度方位，憧憬自己將來住咗個福地。」
鄧紹榮不諱言樓盤最吸引他的，是由新地旗下珀麗灣客運（珀客）提供的交通服務：「住客3蚊就可以搭巴士去青衣、葵芳。」當年的小冊子大肆宣傳珀麗灣將有「三水三路」連接全港：包括來往青衣、葵芳、荃灣的巴士，「班次極為緊密，僅約3分鐘一班」；以及渡輪服務來往中環、荃灣、機場，約15分鐘一班。兩者皆聲稱提供24小時服務。
不過，這些服務承諾很快被打破。機場渡輪航線早因政府收回赤鱲角碼頭而胎死腹中。珀客又以虧損嚴重為由，13年將荃灣渡輪削至只剩每日3班；各路線的住戶票價，自03年起的累計升幅更是由90%到240%不等。鄧紹榮怒斥：「珀客將蝕本生意，全部歸咎喺居民度，要我哋同佢處理好，非常唔合理。」今次取消中環渡輪非繁忙時間班次的申請雖然被運輸署否決，但新地為減少虧損很可能會繼續闖關。