【ViuTV】繼《Good Night Show全民造星》選男神之後，ViuTV再舉行《Good Night Show廣告女皇》選囡囡，昨日21位參賽者在柴灣進行面試，包括落選港姐范莎莎和陳曉婷，曾在無綫兒童節目《Think Big天地》做主持的李雯希，以及貌似鄧麗欣（Stephy）的張敏潔。
首日晤21人
節目監製楊任豪表示，收到過千份表格，一連三日接見300位面試者，昨日接見21人。問到有何準則？楊任豪說︰「要樣靚，同埋要有自己諗法，唔會好似選美得一個模式角度，今次有真人騷成份喺入面，最終會揀20個入圍，用三個月時間去打造廣告女皇。」昨日面試當中有兩位是落選港姐，楊任豪表示︰「最主要睇吓夠唔夠fresh。」他表示正物色星級導師，如倪晨曦。
至於未能入圍今年港姐的21歲范莎莎，以及16年落選港姐22歲陳曉婷，兩人一齊接受傳媒訪問，最初大家並不知對方是落選港姐，卻一拍即合，范莎莎說︰「我唔講係怕得罪人，但我哋都好想入行，見今次《廣告女皇》，所以好想用正途入行。」陳曉婷透露想拍廣告，覺得優勝之處是沒有偶像包袱︰「可以醜化自己，唔化妝都可以開live。」
質素頗平均
除了兩位落選港姐外，昨日參賽者中還有無綫兒童節目《Think Big天地》主持李雯希，以及跳唱組合《星座少女》成員黃寶瑤、李善敏和易佩詩。雖然21位女仔質素尚算平均，但李雯希較高頭大馬，而其他女仔較矮細。至於27歲的張敏潔貌似鄧麗欣（Stephy），她說︰「都有人話我似，亦有人話我似2R嘅Race同張栢芝。」其實她拍過「安信兄弟」，以及與劉青雲拍過「念慈菴」廣告，又參與過陳慧琳《做自己的太陽》MV。
採訪：黃曉妍
攝影：陳俊強