鄰居問我點解暑假都唔帶仔去旅行。暑假唔外遊的家庭，唔多正常？她是否想問：唔旅行，嫌命長？我還以為唔買政府年金才要問點解。一個65歲市民買了年金，就要跟政府鬥長命，唔係講笑。外遊有風險，為了鬥贏政府個如意算盤，拎凸年金那5%，點肯冒險。我鄰居是一對老夫妻，夠晒資格買年金，他們周圍飛，外遊閒過立秋，睇來屬於自己錢自己啃的知命老人。
香港人熱衷旅遊，旅遊天書暢銷過村上春樹。日本與南韓高溫，南歐熱浪燒到北歐，仍難阻港人出遊。智利復活島開始cut遊客，當地政府懼怕島上巨石被打卡太頻，隨時變青島天空之鏡。強國如是，其他國都沒差，一窩蜂蹂躪所謂的景點，造成災難。那條德國郵輪一心近觀北極熊，郵輪警衛先行上岸開槍射殺據說襲擊警衛的北極熊，這樣，復活島還是先砸爛那些巨石陣，免得遊客自拍時被石頭擊中喪命。砸殺燒，盡早處理旅遊景點，以後讓遊客看北極熊歡樂天地版、復活島迪士尼版、天空之鏡大灣區版就得。現代遊客個個手機先行，打卡模式千篇一律。借定唔借……歪？阻住人selfie重罪過阻住地球轉！去旅行咁盡，真係有壓力。