內地大媽同大叔嘅行徑有時真係超失禮，讀者李小姐前晚八點半途經觀塘APM商場，見到幾個內地大媽及大叔，搞搞震無幫襯，仲要坐喺一間運動衣連鎖品牌的巨型掛架座上齊心除鞋捽腳趾，搞到啲客想試鞋都無得坐，由於動作實在太不雅兼核突，李小姐忍唔到喺對面拍低佢哋，希望警示一下大媽同大叔，唔好做啲影響巿容嘅行為。
李小姐話佢一直住喺觀塘區，自從近年多咗酒店喺東九龍落成後，呢區商場開始俾內地旅客攻陷，經常有大媽同大叔做埋失禮行為，當日除咗見到佢哋坐喺度除鞋捽腳趾外，仲有一班旅客坐喺升降機出入口，阻礙行人通道出入，其間「無人捉、無人鬧、無人理」，佢認為香港作為國際大都會，應該好好管束呢班內地旅客嘅行為，例如出聲糾正或喝止，否則只會畀來港旅遊的外地客有唔好的印象。