不知道從什麼時候開始，「劇透」成了洪水猛獸，坦誠佈公談論電影或電視劇，一個不小心就被打為萬惡不赦的破壞王，其實有時事先張揚情節細節，出發點不但百份百友善，而且完全有必要，幫大家調教正確的期望，縱使抽起了親身發現的樂趣，總比一場歡喜一場空好吧？譬如《媽媽咪呀！開心再嚟》，通知專誠為梅麗史翠普買票入場的觀眾，梅姨的戲份比特別客串的雪兒更少，我就認為有百利無一弊，鐵粉望到頸都長最後只得到一首主打歌和一首大合唱，滋味必定不會好受，作好心理準備有何不妥？至於駕鶴歸西的人物如何復活，勇往直前揭露當然傷感情，就算我不是中產階級也不算魅力逼人，爬格子搵三餐到底有分寸，請你放心。
梅姨這次以煮飯婆形象娛賓，有種「嚟都已經叫畀面，唔該你唔好煩我換衫化妝」聲勢，往好的一面看是大將之風，那塊鴛鴦面左右兩邊無一不腫，為了連戲頭髮求求其其紮起，素顏來講不是魚和蛋有商量的花齋，而是六根清淨到連人間煙火也不吃的vegan，瀟灑開了「仙氣」一個玩笑，完美主義者絕無僅有hea做交差，勉強可謂意外驚喜。同時也有讓賢氣量：雪兒預咗執到滴水不漏，樂得做個順水人情，佢咁鍾意靚，乾脆畀佢靚餐飽，費鬼事同佢分庭抗禮。事實也的確如此，年過七旬的老太太果然一寸寸精心打造，可惜看來看去都像晚年梅蕙絲，連鼻音唸對白都似，其慘烈罄竹難書，有興趣的請上網搜索《雌雄美人》和《老襟群英會》自行判斷。最訝異的是她沒有隨身攜帶放大鵝公喉的私家咪，幾乎自拆註冊商標。