阿根廷足總禮拜四宣佈，委任前國腳史卡朗尼同埋艾馬擔任臨時國家隊教練同助教，出戰今年剩低嘅三場國際賽，包括九月對危地馬拉同哥倫比亞嘅友賽。現年40歲嘅史卡朗尼球員時代曾經效力過拉科魯尼亞同拉素等歐洲球隊，佢喺2015年掛靴之後擔任過西維爾嘅助教，上年開始就加入阿根廷國家隊教練團，出任前教練森柏奧利嘅副手。