德國國腳中場麥斯美亞禮拜四落實以17萬鎊周薪轉投英超水晶宮，呢個消息對呢支倫敦球會同埋球迷嚟講梗係興奮，但唔知球隊班工作人員係唔係開心過籠，竟然喺更新官方網站時用錯咗另一位德國球員、效力拜仁慕尼黑右閘甘美治嘅相。水晶宮方面雖然好快就發現咗相片出錯，仲火速更新網站，不過喺「圖已cap」嘅世界入面，一切彷彿嚟得太慢。